Otsailaren 24an, Imanol Pradales Gil lehendakaria izan zen lehen Euskadi Agenda 2030 sariak banatzeko ekitaldiaren buru. Ekitaldi horretan, Eusko Jaurlaritzak PLASTIGAUR saritu zuen, AURRERATUA (maila aurreratua), Garapen Jasangarriko Helburuak (GJH) bere jardueretan txertatzeko konpromisoagatik.
Aitorpen horrek helburu bikoitza du: batetik, GJHen ezarpenean aurreratuen dauden erakundeak identifikatzea, haien jardunbide egokiak erreferentzia eta inspirazio izan daitezen beste erakunde batzuentzat; eta, bestetik, GJHak enpresa-kudeaketan integratzearen garrantzia sustatzea eta zabaltzea, funtsezko elementua baita lehiakortasun iraunkorrerako eta erakundeen konpromiso eraginkorrerako.
Bide batez, eskerrak ematen dizkiegu Eusko Jaurlaritzari, Euskaliti eta erakunde eta organismo guztiei horrelako ekimenak bultzatu eta sustatzeagatik, eta zorionak ematen dizkiegu saritutako gainerako enpresa eta erakundeei ere.
Mila esker!!
PLASTIGAUR, Innovation is flexible.
Add comment