Trantsizio Ekologikorako eta Erronka Demografikorako Ministerioak 2022ko udaberrira atzeratuko du berrerabilgarriak ez diren plastikozko ontzien murrizketan aurrera egiteko eta haien aztarna gutxitzeko neurriak hartzeko betebeharra. Ordura arte, helburua da erabilera bakarreko plastikoak murrizten joatea eta, gainera, berrerabilgarriak ez diren plastikozko ontziak gutxitzeko zerga ezarri da.

Espainiako merkatuan erabili behar diren eta berrerabilgarriak ez diren plastikozko ontziak Europar Batasunaren barruan erostearekin, inportatzearekin edo fabrikatzearekin lotuta dago zeharkako zerga hau. Hau da, zerga horren helburua da ekonomia zirkularra bultzatzeko zerga mailako tresna bihurtzea.

Zerga horren eraginetarako, ontziak izango dira merkantziak jasotzeko, babesteko, manipulatzeko, banatzeko eta aurkezteko funtzioa betetzen duten edozein produktu (betea edo hutsa). Horiek izan daitezke hauek: paketatzeko eta produktuak garraiatzeko garaian hausturak ekiditeko plastikozko edalontziak edo biribilkiak. Ontziez gain, zerga ezarriko zaie ontziak fabrikatzera bideratzen diren plastikozko produktu erdilanduei: termoplastikozko aurreformei edo laminei zein itxiera ahalbidetzen duten plastikozko beste produktu batzuei.

Zerga honen zerga-oinarria zergaren helburu den esparrua osatzen duten produktuek duten birziklatu gabeko plastiko kantitateak osatuko du, kilometrotan adierazita, eta zerga-tasa kilogramo bakoitzeko 0,45 eurokoa izango da. Hori guztia fakturan bereizitako lerro batean islatu beharko da.

Dena den, zergatik salbuetsita geratuko dira haien helmuga-erabilera egiaztatzen denean, honako hauek eustearekin, babestearekin, manipulatzearekin, banatzearekin eta aurkeztearekin lotutako funtzioetara bideratzen diren produktuak: osasun-produktuak, erabilera mediko berezietarako elikagaiak edo ospitale-erabilerako bularreko haurrentzako prestakinak eta nekazaritza- eta abeltzaintza-erabilerako siloraketetarako plastikozko biribilkiak.

Produktu horiez gain, salbuetsita geratuko dira formulazioan % 100 birziklatzea duten (rPE) produktuak eta esportaziora bideratzen direnak. Bestalde, formulazioan ehunekoa gehituta ere minimiza daiteke inpaktua. Adibidez, % 50 birziklatuta dagoen produktu batek tasaren % 50 bakarrik ordaintzen du; hau da, 0,225 €/kg. Eta kontsumo osteko hondakina bultzatuko duela aurrez ikusi den arren, hasiera batean, badago industria ondoren erabiltzeko aukera.

Elikagaien sektorerako produktuen kasuan, rPE erabiltzea oso zaila da; izan ere, jarraipena jatorritik bermatu beharra dago. Produktu horietarako alternatiba birziklatze kimikoa (rPEQ) da, baina salbuesteko bete beharko lukeen erabilera oraindik aztertzen ari dira eta nahiko teknologia berria denez, merkatuan oso lehengai gutxi dago oraindik. Industria osteko rPE erabiltzeko aukera ere badago, baina jarraipena bermatzen denean eta gurutzatutako kutsadurarik ez dagoenean.

Amaitzeko, zehapen-erregimenak larritzat jotako arau-hauste batzuk finkatzen ditu. Zerga berria lurralde-erregistroan jasota ez balego edo zergaduna herrialdean finkatuta ez dagoenean Espainian ordezkaririk ez duenean, 1.000 euroko isun finkoa ezarriko da bi kasuetan. Eta fabrikatzaileei entregatutako plastikoaren jatorriarekin edo kantitatearekin lotuta hondakinen kudeatzaileak aurkeztutako ziurtagiria okerrekoa balitz, kuotez gain, ordaintzeke dauden kuoten % 75eko hasierako isuna ezarri ahal izango da (gutxienez 1.000 euroko zenbatekoarekin). Zenbateko hori beste % 25ekin handitu ahal izango da zerga mailako arau-hausteak bi urteko epean errepikatuko balira.

Informazio gehiago behar izanez gero, jarri harremanetan adituen gure taldearekin: https://www.plastigaur.com/eu/harremanetarako-datuak/

PLASTIGAUR, Innovation is flexible